Rashied
Ouderdom:
13
Graad:
7
Gesin:
Ek woon by my tannie en neefs. My ma is oorlede toe ek klein was en my pa werk in die Midde-Ooste, maar hy kom kuier gereeld en bel my twee maal ’n week. Ek’s baie lief vir my nuwe familie. Dis net partykeer . . . soos laat in die aand . . . dat ek wens my ma was hier om my ’n drukkie te gee. Ek’s nie altyd so sterk en opgewek as wat my maats dink nie.
Troeteldiere:
Einstein, die malste, koelste rot suid van die ewenaar
Taal:
Afrikaans en Engels en ’n bietjie Xhosa
Gunsteling-Kos:
Mielieskyfies en gegeurde water – veral saam met my tannie se beroemde hoenderkerrie
Gunsteling-Klere:
Jeans en T-hemde of kakiebroeke en hemde
Gunsteling-Skoolwerk:
Wiskunde
Gunsteling-Speelgoed:
Enigiets wat met tegnologie te doen het. My koelste besittings is my MP3-speler, Playstation en my koel selfoon (dis een wat my pa nie meer gebruik nie, maar nog steeds baie koel!). En my rugbybal met John Smit se handtekening op. O ja, en die fantastiese nuwe boek oor Suid-Afrikaanse rugby wat my pa nou die dag vir my gekoop het: Speel rugby.
Ek Hou Van:
Speel met tegnologiese uitvindsels, rugby speel, uithang saam met my neefs, en vir Einstein help om Marmelade te terg! 
